AURRE-IDAZKETAN ETA IDAZKETAN DAUDEN ZAILTASUNAK ULERTZEN ETA IDENTIFIKATZEN LAGUNTZEKO IKASTAROA
Idazten ikasteko arazoak dituzten haurrek zailtasun sentsoriomotoreak, pertzepziozkoak edota praxikoak izaten dituzte, ondorioz, arkatza gaizki heldu, letrak nola osatu jakiteko zailtasunak izaten dituzte, letra alderantziz dagoen edo ez jakitea kostatzen zaie, edota hitzen arteko bereizketa desegokia egiten dute. Idazketa prozesua ikasteko zailtasunak dituzten haurrekin lan egiten dugun terapeuta okupazionalok horrelako egoerarekin aurkitzen gara egunero.
Ikastaro honen bidez, eskuz funtzioaren, aurre-idazketaren eta idazketaren trebetasunen garapena eta duten bilakaera ulertu nahi ditugu. Haur batek idazketarekin hasi ahal izateko zer baldintza bete behar dituen ezagutzea, eta idazketarekin zerikusia duten garapen-alderdiak zein diren eta nola mugatu edo eragin dezaketen ulertzea. Halaber, idazketa ikasteko zailtasunak dituzten haurrekin esku hartzean terapeuta okupazionalak duten rola, haurraren profil indibidualean oinarritutako idazketa ikasteko metodologia aukeratzearen garrantzia eta irakasleek eta terapeutek taldean lan egitearen garrantziaz haurren ikaskuntza eta jarduna errazteko.